La televisión fazse ecu de las mazcaradas cabreiresas

El conductor del programa, Javier Pérez Andrés promocionóu la cultura popular cabreiresa cumo bien d’interés turísticu y económicu resaltando los entroidos de la contorna

Nun yía habitual que Cabreira apareza nas pantallas de televisión. La distancia entre los estudios de las principales cadenas y la comarca fa qu’en contadas oucasiones esta zona seya’l focu prencipal de las cámaras. Pero cuando aparez, los cabreireses nun duldan en llevantar el teléfonu y chamar a outros pa comunicalo ou unviar mensaxes por que se enteren todos de que Cabreira sal na tele. Esti sábadu, la tradición de las mazcaradas d’enviernu foi la causante d’atrayer las cámaras a la sua tierrina y ello conmocionóu a los sous vecinos.

Se’l sábadu foi unu de los temas de conversación entre los cabreireses, el diumingu on foi más, sobretodu en Cabreira l’Alta, llugar no que se centróu más el programa «El Arcón», de Radio Televisión de Castilla y León, especializáu n’etnografía y gastronomía de Llión y Castiella, que s’emite nesta comunidá, pero que tamién se puede siguir dende fora d’ella al traviés del TDT. La cadena llevóu a un equipu de cámaras y al periodista Javier Pérez Andrés por Cabreira l’Alta tres las güellas de los entroidos tradicionales, nún programa tituláu «Escenarios leoneses de Concha Casado: de Val de San Lorenzo a La Cabrera».

Encomenzóu’l programa na localidá de Villar de la mano de Natividad Villoldo; tomando la sua arquitectura tradicional cumo fuente de riqueza y d’interés turísticu y etnográficu. Dende esti llugar achegóronse al puebru de Valdaviéu onde Andrés y Natividad falan a las puertas del nuevu centru de cultura tradicional de Cabreira. No mirmu llugar, el presentador alcontróuse con Iván Martínez Lobo que lu llevóu a coñecer las mázcadas del centru, y dende eillí achegóronse a la cercana aldea de La Cuesta onde las mázcarada ficieron actu de presencia.

Primeiro foron los campanones de Pozos los que faloron cono famosu periodista pa dar pasu al Graciosu de Ñogare, y finalmente a la mazcarada de La Cuesta: los campaneiros. En visitando’l Muséu de la llabranza del mirmu puebru, Javier Pérez, coñecíu periodista gastronómicu visitóu’l restorán Los Templarios en Trueitas, onde afayóu los secretos de las xentes y la gastronomía de la zona, ensin esquecer la gran riqueza paisaxística y monumental del llugare. L’alcalde, Francisco Simón Callejo, foi entrevistáu por Pérez Andrés, a los pías del famosu castiellu Peña Conde Ramiro.