La Biblioteca de Cultura Tradicional Zamorana publica la primer antoloxía de literatura asturllionesa de Zamora
“El Llumbreiru” arrexunta narración, ensayu y poesía nas falas del oeste de la provincia
La Biblioteca de Cultura Tradicional Zamorana publica la primer antoloxía de literatura asturllionesa en Zamora basada nuna selección de textos escritos por socios de l’asociación cultural Furmientu, que dende va décadas trabaya pola dignificación del padremuñu lingüísticu de la provincia zamorana.
“El Llumbreiru”, ñome que tien la publicación trimestral qu’edita Furmientu de maneira ininterrumpida dende l’añu 2005, axunta textos de narrativa, ensayu y poesía.
El lector va poder alcontrar una abonda selección de literatura y textos universales traducíos al asturllionés de Zamora, incluyendo poesías de Baudelaire, fábulas d’Esopo y dalgunos cuentos de los hermanos Andersen, señalóu’l director de la colección, Juan Manuel Rodríguez Iglesias.
El volume, el númberu 51 de la colección edítalu Semuret cono apoyu de l’área de Cultura de la Diputación de Zamora.
El diputáu de Cultura, Víctor López de la Parte gradeciéu a l’asociación cultural Furmientu «la posibilidá de qu’esti ñuevu textu supuxera una rialidá, una antoloxía de la literatura asturllionesa chamada “El Llumbreiru” prologáu por Iván Cuevas».
Pola sua parte la responsable de la Editorial Semuret dixo que se trata d’una colección que pretende mantener y reflexar la cultura de la provincia de Zamora.
Con esti ñuevu volume «queremos deixar por escritu y nún solu llibru’l trabayu de más de 20 años de l’asociación Furmientu y qu’esti volume seya’l testigu escritu de la cultura y las llenguas de tradición oral que cono pasu’l tiempu desgraciadamente están más en desusu. Cona sua publicación queremos facer que nun desaparezan, y recordalas».
