Fiestas patronales de Quintaniella de Llousada
San Pedro yía’l patrón que va presidir polos próximos tres días las celebraciones festivas d’este llugar cabreirés
Cumo anticipu vamos tener güei vienres día 28 la DISCOTECA MÓVIL.
El sábadu 29, los gaiteiros pasarán polas caleyas del llugar a las 12:00 h. y despuéis será la Santa misa n’honra a San Pedro a las 13:00 h.
El beille de la tarde y ñueite va ser al cargu de la orquesta ponferradina GARIBALDI a las 21:00 h., y la verbena a las 00:30 h.
El domingu, San Pedrín, va ser l’últimu día de fiestas de Quintaniella. A la 13:00 h. será la Santa misa y el vermú y el beille de la tarde va estar animáu pol TRÍO AMÉRICA.
Datos d’interés
Quintaniella de Llousada yía un puebru onde on se mantienen dalgunos de los palombares más tradicionales de la provincia de Llión. D’antiguo Quintaniella foi capital de la Gobernación de Cabreira, yiera onde tamién vivía’l gobernadore. Esti feitu dióu cierta importancia al llugare, onde on güei tamién se mantien dalguna casa siñorial, y onde d’antiguo había cárcel, xueces, escribanos y funcionarios del marquesáu de Villafranca. Tamién yiera bien importante’l mercáu que se celebraba desde’l principiu de la primavera hasta pasáu San Pedro.
