Las asociaciones Faceira y Iniciativa pol Asturianu ponen en marcha la campaña #FalamosIgual pa concienciar sobre la unidá lingüística asturllionesa
La campaña quier dar una mayor conocencia social de la realidá lingüística común entre Esturias y Llión
Las asociaciones “Asociación Cultural Faceira” y “Iniciativa pol Asturianu”, presentan la campaña conxunta #FalamosIgual. Esta vai espayase nas redes sociales pa da-ye visibilidá a la rialidá lingüística común, dando a conocer qu’en Llión, Esturias y outros territorios, compártese una llengua tradicional común que recibe nomes distintos pero que forman el mesmu idioma.
La campaña quier poner en valir esi patrimoniu lingüísticu común explicando a la sociedá cúmo las distintas variedades del asturllionés (asturianu, n’Esturias, y llionés en Llión) son perfectamente intelixibles entre si, compartiendo gran parte del léxicu y una mesma gramática, asina como una historia común.
Outru obxectivu de la campaña #FalamosIgual yía reconocer las variedades internas de la llengua cumo un elementu positivu, que nun contradiz la unidá del mesmu, senou que yía una riqueza.
Asina, falar de llionés ou asturianu yía falar de la mesma rialidá lingüística con nomes distintos y con rasgos propios, cumo asocede con tódalas llenguas del mundu, qu’están conformadas por distintas variedades.
La campaña vai llevase alantre nas redes sociales a lo llargo de los meses vinientes, con una palabra común a todu’l dominiu lingüísticu y una imaxen ilustrativa, con un deseñu atractivu, cada sumana, de forma asemeyada a outras campañas entamadas polas entidades de forma independiente. Las organizaciones van animar a la comunidá de falantes a compartir estas imáxenes, buscando que cheguen al máximu númaru posible de personas.
#FalamosIgual va incluyir tamién una chamada a las instituciones, pa que trabayen de forma conxunta en reforciar los llazos culturales y lingüísticos d’Esturies, Llión y el restu de territorios que comparten llengua, con campañas propias, eventos y apoyu recíprocu a iniciativas culturales, no ámbitu musical, literariu, ou de la cultura tradicional.
