La Diputación convoca’l Premiu Caitano Álvarez Bardón de literatura en llionés
L’Instituto Leonés de Cultura acaba de convocar esti certame literariu, el primeiru na historia de la entidá, y que lleva’l nome del escritor y militar carrizanu que foi pioneiru na escritura literaria d’esta antigua llengua romance.
La Diputación de León, a traviés del Instituto Leonés de Cultura (ILC), acaba de convocar el I Premiu de Literatura en Llionés Caitano Álvarez Bardón, un nuevu certame creyáu p’apoyar a la creyación literaria en cualesquier de las variantes d’esta llengua romance existentes drento de la provincia. Al galardón, que las suas bases fonon aprobadas no pasáu conseyu rector del ILC, van poder presentase textos narrativos, tales cumo relatos, conxuntos de relatos y novelas curtias, pero tamién poemarios, ensayos u obras teatrales.
El premiu, presentáu na see de la Diputación de León en Ponferrada, convócase tamién en cumplimientu del estatutu d’autonomía de Castilla y León, que no sou artículu 5.2 manifiesta que’l llionés “será objeto de protección específica por parte de las instituciones por su particular valor dentro del patrimonio lingüístico de la Comunidad”. D’esti xeitu, la Diputación provincial yía la primeira institución que respuende a esi textu legal con un galardón que se pretende prestixosu y duradeiru no tiempu. El diputáu de Cultura, Arte y Patrimoniu, Pablo López Presa, aseguróu na presentación que l’administración provincial “es consciente de que la diversidad lingüística de esta tierra constituye un patrimonio cultural de singular importancia” y qu’existe “una obligación legal específica de proteger el leonés, no solo por lo que establece el Estatuto de Autonomía sino también por lo que indica el artículo 3.3 de la Constitución española, al respecto de la necesidad de respetar y proteger las modalidades lingüísticas de todo el país”.
El Premiu de Literatura en Llionés Caitano Álvarez Bardón va ser convocáu de maneira biañal y está dotáu con 3.000 euros y la edición del textu ganador a cargu del ILC. El prazu de presentación d’orixinales va prencipiar a partir del día siguiente al de la fecha de la sua aparición no Boletín Oficial de la Provincia, y va rematar a los trés meses d’esa publicación.
Las bases compretas del certame van salir nesta mesma sumana na páxina web del Instituto Leonés de Cultura (www.institutoleonesdecultura.es/convocatorias).
Amás, el coordinador de Proyectos del ILC, Emilio Gancedo, recordóu que’l premiu lleva’l nome de Caitano Álvarez Bardón (1877-1924), escritor, investigador y militar ñacíu en Carrizo de la Ribera, que foi informante de Ramón Menéndez Pidal y que la sua obra más relevante yía‚ ‘Cuentos en dialecto leonés’, escrita na fala tradicional del Altu Órbigu, la Cepeda y El Bierciu Este, y llibru pioneiru na escritura literaria del llionés.
Apoyu a los Premios Morales
Por outru llau, la Diputación Provincial apoya tamién las modalidades propias del gallegu faláu no Bierciu Oeste cono sou respaldu a los Premios Morales pa la Promoción del gallegu no Bierciu y Senabria, qu’estiañu chigan a la terceira edición y que van contar con una categoría directamente patrocinada pol Instituto Leonés de Cultura.
El premiu está dirixíu a alumnos d’Educación infantil, Primaria, Secundaria ou Bachilleratu de centros adscritos al Programa pa la promoción del idioma gallegu no Bierciu, y tamién a alumnos de la Escuela Oficial d’Idiomas. Existen trés categorías por edades y cada convocatoria está centrada nun poema distintu d’Antonio Fernández y Morales. Los galardones fuéronse apurriendo nun llugar distintu de la contorna: el primer añu foi no llugar d’As Médulas y el segundu en Corullón. Estiañu, l’actu va ser en Cacabelos. Paco Macías, presidente d’As Médulas, colectivu que convoca’l galardón, estimóu la implicación de la Diputación a traviés del ILC, “ya que debe ser la primera vez que una institución leonesa nos apoya y, como siempre defendemos, el gallego no es solo de Galicia, aquí también comenzó a hablarse a la vez y es tan nuestro como suyo”.
