Cultura y deporte

La Baña en fiestas pulla virxen del Carmen

El diumingu prencipian una de las fiestas más importantes d’esti llugar

El día 15 habrá beille de tarde y de ñueite cuna orquesta RITMO JOVEN.

El llunes 16 será’l día grande, y las caleyas estarán animadas desde primer hora de la mañana cun una festaxeira CHARANGA. Más tarde va celebrase la Santa Misa y la precesión.

Pulla tarde habrá fiesta de la espuma y castiellos hinchables a las 17:00 horas pa los rapaces y pulla tarde y ñueite verbena cuna orquesta LA FÓRMULA.

Outrus datus d’interés

Las personas que visiten La Baña van tener la oportunidá de perdese pullas caleyas del llugar y contemplar l’arquitectura tradicional cabreiresa qu’on se mantien de pias. Son d’interés l’armita del Carmen y la igresia parroquial, construyida cun una guapa cúpula d’estilu bizantinu cun cimborriu.

L’amante del senderismu tamién tien mueitas opciones yá qu’esisten dalgunas rutas de mueita fermosura pa gociar de la ñaturaleza. Pur una parte’l Llagu de La Baña, y pur outra la xubida a lus cumbres d’El Picón ou Peñataravinca, ou la ruta que lleva al saltu d’augua, la cascada chamada La Fervienza.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.