Fiestas n’honor a San Martinu en Robréu
El ricuerdu pul santu d’orixen húngaru va acompañar güei a las celebraciones festivas que no sou honor van facer nesti llugar de Cabreira Baxa
Esta yía la programación festiva que va haber güei 10 de ñoviembre:
- 13,00 h. Santa Misa y precesión.
- 20:00 h Baille de tarde y ñueite cuna pareya musical TENTACIÓN.
No descansu va haber un sortéu (d’un gochu al que yá-yi chigóu’l sou San Martinu):
- Primer premiu: Un xamón.
- Segundu premiu: Un llombu.
Outrus datus d’interés
Robréu yía tamién unu de lus puebrus cabreireses que cunta cun una de las rutas etnográficas más guapas. Yía unu de lus conxuntus de palombares más importantes de la provincia de Llión, compuestu pur 8 palombares. Lus palombares tienen una estructura circular y llevántanse sobre murus de pizarra revocaus cun tollu y cal. El llouxáu yía a una augua, y pur baxo’l sou refaldráu hai una repisa de llouxas voladas pur onde las palombas se pousan pa entrar y salir al traviés de las troneiras. Sobre’l llouxáu colocábanse xeixus que sirvían p’atrayer a las palombas.
