Carrizu va acoyer la gran fiesta del llionés con motivu del centenariu de Caitano Á. Bardón

La terceira “Bardoniana”, apoyada pol ILC de la Diputación Provincial, está organizada polas asociaciones Faceira y La Trepa, y tamién pol conceyu de Carrizu, que va oufiertar esta fin de selmana conferencias, conciertos de música en llionés, talleres pa rapaces y una “Nueche en danza” abierta a tódolos públicos

La villa de Carrizu de la Ribera convertiráse esti fin de selmana no epicentru de la gran fiesta de la llengua llionesa cona celebración de la ”Bardoniana”, una variedá d’actos lúdicos, culturales y divulgativos organizaos por cuenta de los cien años trescurríos desde la muerte de Caitano Álvarez Bardón (1877-1924), escritor, investigador y militar que foi pioneiru del cultivu literariu en llionés.

Esta tercer ”Bardoniana” propón pal vienres 22 y el sábadu 23 de ñoviembre toda una serie de conferencias, presentaciones, conciertos de música, talleres pa rapaces, alcuentros literarios y una festiva ”Nueche en danza” pensada pa enseñar a tódolos asistentes los pasos básicos de dalgunos de los más representativos beilles de las nuesas contornas.

La celebración va principiar el vienres 22, a las 18.30 horas, con una charra-presentación  al cargu d’Emilio Gancedo, coordinador de Proyectos del ILC, na que, entre outros aspectos, va dar a coñocer el Premiu de Literatura  “Caitano Álvarez Bardón”, biañal y propiu del organismu autónomu, que se va convocar no próximu 2025 y qu’esta abiertu a tódalas variantes del asturllionés de la provincia. De siguío, a las 20.00 horas, va tener llugar un recital de música en llengua patrimonial al cargu de Rodrigo Martínez, reconocíu cantante, productor, divulgador y multiinstrumentista.

Los actos del sábadu 23 van dar empiezu a las 11.00 cono alcuentru literariu que va tener llugar de la mano de los escritores Xairu López (autor de “La Fueya Rota”, entre outras obras) y Beatriz Blanco (autora del poemariu “Branu”), al que va siguir, a las 12.00, un taller pa rapaces tituláu “Los nomes de los animales en llionés”, impartíu polos docentes Javier Miguélez y Amanda Álvarez.

A las 12.30 van llegar las voces hermanas de la Tierra de Miranda con “L lhobo que bieno de Spanha i outras cuntas, palabras i miedos que la raia mos amprestou” al cargu d’Antonio Bárbolo Alves.

Pola tarde, a las 16.30, el públicu va tener ocasión de saber más sobre Caitano Álvarez Bardón y la sua redolada, pol sou icónicu llibru “Cuentos en dialecto leonés”, gracias a la charra “Los Bardón: una saga familiar precursora de la recuperación del llionés” al cargu de Nicolás Bartolomé Pérez; y a las 18.00, Héctor Luis Suárez va falar de “Cousillinas y cantares d’antañu nos cuentos de Caitano”.

A las 19.30, el grupu Buxane va tocar nún conciertu na bolenga municipal no que van sonar sobremaneira los acentos de la variante propia del noroccidente llionés y, a lo último, a las 21.00, va celebrase una ”Nueche en danza” abierta a todu tipu de públicos.

Tódolos actos, sacante esti postreiru y el conciertu de Buxane, van facese na Casa de Cultura de Carrizu y van ser d’accesu llibre y de baldre.

Tras un alcuentru de trabayu manteníu no Edificiu Fierro, see del ILC, entre’l diputáu de Cultura, Emilio Martínez Morán; l’alcalde de Carrizu de la Ribera, Alfonso Álvarez; y el miembru de l’asociación Faceira Alberto Flecha, Martínez Morán destacóu lo oportuno d’esta celebración “que va xuntar la memoria y el legáu de Caitano Bardón, autor natural de Carrizu y que foi pioneiru na literatura escrita na ñuesa llengua patrimonial, conos aspectos más lúdicos, propios de toda fiesta”.

El diputáu aproveitóu pa recordar que, no sou artículu 5.2, el mesmu estatutu d’autonomía de Castiella y Llión señala que’l llionés “va ser obxectu de protección específica por parte de las instituciones pol sou particular valor drento del padremoñu lingüísticu de la comunidá”.