Cultura y deporte

Cabreira enseña a beillar pundones

L’Ayuntamientu de Trueitas en collaboración conas asociaciones va preparar un cursu de manexu de pundones pa participar na romería de la xubida al Castiellu

La falta de xente moza que sepa llevar los pundones y el sou descuñocimientu cumo tradición fizo que s’entamara un cursu para cuñocer y practicar el manexu de los pundones, que va tener llugar el 30 y 31 de marciu na localidá de La Cuesta. Yía necesariu inscribise antias no númaru 649191763 ou a traviés del corréu electrónicu trimuella@gmail.com. El pundón yía’l estandarte qu’identifica a cadaguna de las pedanías del municipiu. Tras décadas en desusu, estos emblemas recuperáronse nos años postreiros, mueitos d’eillos feitos outra vez en base a los esistentes ou los datos de los que se tenía constancia.

L’asociación Trimuella, Pendoneros de León y l’Institutu d’Estudios Cabreireses unieron fuercias pa proponer esti cursu al ayuntamientu y preparalo pa que cuando chegue la romería de l’ascensión de los pundones al castiellu, el prósimu mes de San Miyiel, los más xóvenes sepan manexar sin esfuerciu estos estandartes. Na casa de cultura de La Cuesta faceranse pulas mañanas dúas crases teóricas y yá pula tardiquina, na eira del mirmu llugar, va chenar de culor cunos pundones de La Cuesta y Valdaviéu que tamién quixo participar na organización d’esti eventu.

La primeira crase teórica del día 30 a las 11:30 va estar a cargu del vecinu del llugar Iván Martínez Lobo y van enseñase los elementos básicos de los pundones, y la sua hestoria, pa terminar falando de los pundones y el Reinu de Llión. Na sua intervención Martínez Lobo va esplicar la enxendra d’’estos estandartes, utilizaos nún prencipiu cumo puru elementu identificador entre militares, sigún la evolución que sufrieron cuno pasu de los siegros. Los pundones datan de la Edá Media, yieran la marca del alférez, fueron los años y las distintas tradiciones los que ficieron que pasen a formar parte de las procesiones de numarosos puebros de la provincia.

Yá pula tarde los ñuevos porteadores van poder cuñocer los trucos utilizaos polos más esperimentaos pa facer más fácil el porte de los pundones no recorríu de los sous propios puebros ou na prósima romería d’ascensión al castiellu. Esti primer día yía pa los elementos básicos del pundón, cúmo se visti, cúmo se face l’atáu de los vientos y pa principiar l’aprendizaxe del equilibriu.

La segunda crase teórica un día despueis a la mirma hora va ser impartida por Jose Antonio Ordoñez, investigador de los pundones y miembru fundador de l’asociación «Pendoneros de León» y l’Asociación Cultural «Pendoneros Virgen del Castro». Neilla daráse a cuñocer el proyectu del investigador de más de 600 pundones en toda la provincia, y los descubrimientos apurríos por él mirmu.

Yá pola tarde, de ñuevu a las 16:30 van facese demostraciones, inclusive se va facer un ensayu d’una precesión polas caleyas del puebru pa sortear el cableaxe del mirmu. Reposar el pesu de la vara del pundón no peitu y no llombu, ayudar a guiar conos hombros y una buena suxeción de los vientos van ser dalgunos de los trucos desvelaos pa facilitar la movilidá cuno estandarte, trucos de los que tomarán buena nota los participantes no cursu.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.