Proyección de las mazcaradas cabreiresas en sumana Santa
L’aula de la ñaturaleza de Valdaviéu será’l llugar onde Iván Martínez Lobo impartirá una conferencia antias de ver el programa del Arcón sobre esti tema.
Martinez Lobo, investigador d’esta tradición principiará’l Sábadu Santu a las 18:30 con una conferencia sobre mazcaradas cabreiresas. Despuéis de la charla será’l turnu de la proyección del capítulu del Arcón dedicau a esta tradición. El conductor del programa, Javier Pérez Andrés visitóu la localidá y promocionóu la cultura popular cabreiresa cumo bien d’interés turísticu y económicu resaltando los entroidos de la contorna.
Esit programa encomenzóu na localidá de Villar de la mano de Natividad Villoldo; tomando la sua arquitectura tradicional cumo fuente de riqueza y d’interés turísticu y etnográficu. Dende esti llugar achegóronse al puebru de Valdaviéu onde Andrés y Natividad falan a las puertas del nuevu centru de cultura tradicional de Cabreira. No mirmu llugare, el presentador alcontróuse con Iván Martínez Lobo que lu llevóu a coñecer las mázcadas del centru, y dende eillí achegóronse a la cercana aldea de La Cuesta onde las mázcarada ficieron actu de presencia. Por esta razón, la xunta vecinal del llugar, quier oufrecer a los sous vecinos la posibilidá de velo na Aula de la Ñaturaleza del llugare.
Primeiro foron los campanones de Pozos los que faloron cono famosu periodista pa dar pasu al Graciosu de Ñogare, y finalmente a la mazcarada de La Cuesta: los campaneiros. En visitando’l Muséu de la llabranza del mirmu puebru, Javier Pérez, coñecíu periodista gastronómicu visitóu’l restorán Los Templarios en Trueitas, onde alcontróu los secretos de las xentes y la gastronomía de la zona, sin esquecer la gran riqueza paisaxística y monumental del llugare. L’alcalde, Francisco Simón Callejo, foi entrevistáu por Pérez Andrés, a los pías del famosu castiellu Peña Conde Ramiro.
