Nueva revista cultural CRA Cabrera 2022-2023
Esta publicación recupera l’espíritu educativo y cultural de la “Corrilleira” de los años 80 y 90
Allá polas décadas de los 80 y 90, un grupu de mayestros y escolines de dalgunos llugares de Cabreira xuniénonse pa facer una modesta publicación chamada «Corrilleira«. Aquesta sirviera cumo altavoz de la vida cotidiana de los rapaces y, de la mesma, reflexara nas suas pranas los intereses propios de los alumnos de la contorna rural de Cabreira.
La revista atropaba variedá de temas a esgaya, pero centrábase prencipalmente na comunidá cabreiresa. Incluyía anuncias d’actualidá, redacciones nas que los escolines describían los sous puebros y destacaban las necesidades y faltas de cada llugare. Tamién se dedicaba espaciu al folclore cabreirés, explicando cousas cumo las bodas cabreiresas u los cantares tradicionales. Outros temas yieran sobre l’arquitectura tradicional, l’arqueoloxía y la historia local, entrevistas, poesía, recetas de cocina, humore, crucigramas y, simplemente, debuxos y hestorias que los mozos quixeran contar na revista.
Pasaos los años, y yá en plenu siegru XXI, l’Institutu d’Estudios Cabreires publica no añu 2021 «El Libro Viajero del Saber Popular del CRA Cabrera«, onde los alumnos que conformaos polos trés centros educativos asitiaos na Baña, Trueitas y Quintaniella de Llousada, facen un llibru viaxeiru cona ayuda y el material apurríos polos sous golicos, padres, tieos, vecinos… y los sous mayestros.
El padremuñu inmaterial de Cabreira, cantares, reflanes, cousillinas, xuegos, cuentos, traballenguas, costumes, mitos, liendas y «mueita Cabreira» facen el conteníu d’esti cuadiernu de sabiduría populare, dafeitu apañáu polos rapaces quien lo fonon recoyendo de boca de los sous mayores.
Ora yía’l CRA Cabrera l’encargáu de dar continuidá a esti llabore, asumiendo’l legáu de las publicaciones d’antias. Lo que de mano xurdiéu cumo parte del Plan de Fomentu a la Llectura, una actividá obligatoria en tódolos centros educativos al encomienzu del cursu, evolucionóu contra la creyación d’una revista que busca captar los aspectos más distintivos de la ñuesa contorna.
Cabreira, que yía una tierra tan enigmática cumo fermosa, tien un relieve de montaña, con espacios ñaturales a esgaya. Amás, yía un de los poucos requeixos de la provincia de Llión onde las tradiciones y la fala on perduran, lo que-yi da un encantu especial.
Pica eiquí pa lleer la revista: Revista Cultural CRA Cabrera 2022-2023
