Fiestas patronales de Quintaniella de Llousada
San Pedro yía’l patrón que va presidir durante estus tres días las celebraciones festaxeiras d’esti llugar cabreirés
Cumu anticipu vamus tener el vienres 29 una gran verbena cuna DISCO MÓVIL STUU. El día grande, sábadu 30 a las 13:00 horas habrá Santa Misa y precesión y despuéis beille vermú. Esti día vamus cuntar tamién cun una fiesta de la espuma a las 18:00 horas, y pa rematare, el beille de la tarde y ñueite va ser al cargu del grupu musical GARIBALDI, a las 21:00 y 01:00 horas.
El diumingu, día tradicionalmente chamáu cumu San Pedrín, va ser l’últimu día de fiestas nesta localidá. Depuéis de la Santa Misa, el vermú y el beille de la tarde vai estar animáu pur un DÚO MUSICAL.
Quintaniella de Llousada yía un puebru onde on se mantienen dalgunos de lus palombares más tradicionales de la provincia de Llión. D’antiguo Quintaniella foi capital de la Gobernación de Cabreira, yiera pur tanto onde moraba’l gobernadore. Esti feitu dióu cierta importancia al llugare, onde on güei tamién se mantien dalguna casa con blasón siñorial, y onde d’antiguo había cárcel, xueces, escribanus y funcionarius del marquesáu de Villafranca. Tamién yiera bien importante’l mercáu que se celebraba desde’l prencipiu de la primavera hasta pasáu San Pedro.
