El músicu Rodrigo Martínez estrena’l sou nuevu proyectu na Cuesta

La presentación será’l próximu sábadu 26 na fiesta de los campaneirus

L’añu principia cono primer conciertu d’esta nueva aventura musical y proyectu personal de Rodrigo Martínez, centráu en músicas enrayizadas na tradición llionesa con espacios d’investigación hacia outras fuentes d’inspiración de ñaturaleza contemporanea.

El proyectu, feito pa esperimentar con distintos formatos, preséntase nesta ocasión cumo un espectáculu de solista, onque tamién va cuntar cona colaboración de dous músicos coñocíos de la escena folk llionesa: Fran Allegre y Iván Rodríguez.

El conciertu va tener llugar esti próximu sábadu 26 de xaneiru, no llugar cabreirés de La Cuesta y principiará a las 19:30 horas, formando parte de las actividades programadas pa la fiesta de los campaneirus (declarada d’interés turísticu provincial) entre las que tamién se podrá desfrutar de la presentación del llibru «Antruejo. El misterio de las máscaras de invierno» de Vanesa Díez, y sin que, por supuestu, falten los mirmos campaneirus caleyando pol llugare.

Foto: Rodrigo Martínez

Fuente: rodrigomusico.com

¡Préstanos pula vida que nos compartas!
Share on Facebook
Facebook
Tweet about this on Twitter
Twitter
Email this to someone
email
Print this page
Print

Deja un comentario

Tu dirección de correo electrónico no será publicada. Los campos obligatorios están marcados con *