Certamen sobre toponimia de montaña senabresa

Cryosanabria, l’asociación pal estudiu de las montañas yía la responsable d’esti proyectu que quier divulgar el coñecimientu de la criosfera y montaña, del pasáu y tamién d’anguañu, de la contorna de Senabria

El certamen “Fotografia de montaña con toponimia en senabrés” está destináu a personas de Senabria y llugares de la contorna o que la visiten y deseyen potenciar la creatividá na comarca y dar a coñocer el padremuño natural y cultural, especialmente lingüísticu, de Senabria.

Bases de participación nesti certamen

1- Va Poder participar  cualquier persona, llibre y de baldre.

2‐ Cada concursante va poder presentar un máximu de diez fotografias.

3‐ Van almitise fotografías orixinales y tomadas a partir de medios dixitales que tengan cumo tema protagonista a Senabria y la sua toponimia.

4‐ Las fotografías,en formatu JPG con una resolución mínima de 300 ppp y de un máximu de 6MB, han d’apurrise entre los días 15 de setiembre y 20 de febreiru de 2019, por corréu electrónicu a la dirección danielboyanosotillo@gmail.com. A cada fotografía va respondese esplicando que la foto foi incluyida no certame, en casu de nun tener respuesta vuelve unviala outra vez.  A cada fotografía va asignáse-ye un númaru pa ocultar la identidá del autor entre’l xuráu.

5‐ Cada fotografía va dir acompañada de:

  1. Títulu de la fotografía.
  2. Toponimia en senabrés de siquier cinco llugares qu’aparezan na fotografía.
  3. Ñome del autor. 

 Estos datos tendrán de dir incluyíos drento de la imaxen.

6‐ Nou podrán añedir ou quitar elementos qu’alterien la composición orixinal de la fotografía (nun s’aceptan fotomontaxes), pero s’almiten los axustes habituales d’edición (esposición, balance de brancos, lluces altas, solombras, etc.). Conas mesmas, los topónimos tienen qu’estar recoyíos oralmente entre la pobración de la contorna senabresa y nun se van aceptar variantes artificiales ou alministrativas.

7‐ Va escluyise cualquier  fotografía que nun cumpla los requisitos anteriores.

El Xuráu y los Premios

8‐ Presidíu y formáu pol Comité Técnicu de Cryosanabria.

9‐ El xuráu,valorando tanto la calidá técnica y artística de las fotografías como la sua singularidá, orixinalidá de los topónimos y espectacularidá. Las fotografías escoyídas van ser maquetadas y publicadas no llibru “La toponimia de las montañas de Senabria”.

10‐ Va haber un primer premiu y un segundu premiu.

11‐ El fallu del xuráu va ser inapelable.

12‐ El fallu y la fecha d’entrega de premios va facese na ñavidá de 2018.

Disposición Final

13‐ De conformidá cono previsto na Llei de Propiedá Intelectual, los participantes premiaos, sin perxuiciu de los dereitos morales que los correspuenden, ceden espresamente a l’Asociación Cryosanabria, de forma gratuita y cona facultá de cesión a terceiros, los dereitos patrimoniales de las fotografías presentadas no concursu. Esta cesión va ser de la máxima duración de los dereitos legalmente establecida.

¡Préstanos pula vida que nos compartas!
Share on Facebook
Facebook
Share on Google+
Google+
Tweet about this on Twitter
Twitter
Email this to someone
email
Print this page
Print

Deja un comentario

Tu dirección de correo electrónico no será publicada. Los campos obligatorios están marcados con *