¡Apurre las tuas diaz palabras más formosas de la fala cabreiresa!

El 12 de marciu termina’l prazu pa mandar la lista de vocabulariu llionés a Faceira, la asociación cultural qu’organiza esta recoyída de léxicu tradicional

En 2018 dúas ciudades, Ljouwert/Leeuwarden (Frisia, Países Baixos) y La Valeta (Malta), van ser Capitales Europeas de la Cultura, y una de las iniciativas que se van desenvolver en Ljouwert yía un Pabellón de las Llenguas no que s’expondrán las diaz palabras llionesas más formosas, que s’escoyerán nuna campaña que lleva yá dalgunas sumanas nas redes sociales.
El colectivu de promoción de la llengua frisia Afûk coordina esta actuación de celebración de la diversidá lingüística aproveitando la repercusión mediática de la capitalidá europea. Dende’l 30 de marciu hasta’l 28 d’outubre, las llenguas europeas van ser protagonistas no Talepaviljoen (Pabellón de las Llenguas), que forma parte del proyectu Lân fan tala (Tierra de Llenguas) de la Capital de la Cultura Europea 2018 en Ljouwert/Leeuwarden. No teitu del Pabellón van colocase palabras de muitas llenguas minoritarias, y onde tamién tendrá presencia la llengua llionesa.
Dende Afûk contactoron cona asociación cultural Faceira pa participar nesa iniciativa, y l’asociación decidíu facer una campaña en redes sociales pa que seyan los llioneses quien escueyan las palabras llionesas que van ponese no Pabellón de las Llenguas, polo qu’animamos a tódalas personas de Cabreira interesadas a participar proponiendo las suas palabras preferidas, y a que las remitan antias del 12 de marciu a l’Asociación Cultural Faceira a traviés del corréu electrónicu ou de las cuentas abiertas en Twitter ou Facebook de la propia asociación cono “hastag” #PalabrasFormosas.
¡Préstanos pula vida que nos compartas!
Share on Facebook
Facebook
Share on Google+
Google+
Tweet about this on Twitter
Twitter
Email this to someone
email
Print this page
Print

Un comentario sobre “¡Apurre las tuas diaz palabras más formosas de la fala cabreiresa!

Deja un comentario

Tu dirección de correo electrónico no será publicada. Los campos obligatorios están marcados con *