X edición del Magostu ambulante
La Cuesta vuelve deixar las suas puertas abiertas a las almas por que vengan a la calor del llume d’estas ñueites máxicas d’asáu de castañas y de pelegrinación d’ánimas
Cabreira va retomando espacín la vida. Yíe tiempu de recuperar el tiempu perdíu, y nou solo lo tocante a las actividades culturales, senou tamién a las iniciativas que xunen a la xente, cumo yíe esti magostu popular y ambulante qu’outros años consiguiéu atrayer a tanta xente y qu’estiañu l’Asociación Cultural Trimuella volverá a celebrar na Cuesta.
Cumo siempre, el programa va estar chenu d’actividades y talleres, con conciertu incluyíu, concursu de tortiellas de pataca y comida benéfica pa recuperar el Muséu de la llabranza d’esti llugare.
PROGRAMA
Sábadu 30 d’outubre
- 12:00 ••• Xuntanza IEC.
- 13:00 ••• Xuntanza Asociaciones de Cabreira.
- 13:30 ••• Vermú cono alcalde de Trueitas. Actividades culturales.
- 14:00 ••• Comida benefica pa recuperar el Museu de la Llabranza.
- 16:30 ••• Taller de Cueru.
- 19:30 ••• Charla d’iniciación al llionés.
- 20:15 ••• II Concursu de tortiella de pataca cabreiresa.
- 20:30 ••• Magostu musical.
- 22:00 ••• Conciertu Solito Trovador.
- 23:00 ••• Xoldra de ñueite.
Diumingu 31 d’outubre
- 10:00 ••• Taller d’iniciación a la escultura.
- 12:00 ••• Xuntanza Conceyus de Trueitas. Presentación de proyectos de Xeoparque y certificación Starligth.
- 14:00 ••• Comida benefica pa recuperar el Museu de la Llabranza.
- 16:00 ••• Taller de mázcaras. Campaneiros y Campanones.
- 20:00 ••• Magostu.
Llunes 1 de los Santos
- 11:00 ••• Taller d’arqueoloxía.
