Cultura y deporte

Pombriegu en fiestas

Pombriegu celebra los días 13, 14 y 15 las suas fiestas n’honor a San Antonio


El xueves día 13 de xuniu principian las fiestas de San Antonio en Pombriegu cuno pasacalles de la charanga «Río Selmo». A la 13:00 h. será la Santa Misa y precesión, y despuéis el beille vermú cuna mesma charanga.

El Vienres día 14 tendremos beille de tarde con «Diego y su acordeón» y pula ñueite verbena a la 01:00 h. cuno mesmo músicu.

El sábadu día 15 pula mañana va haber pasacalles a las 11:00 h. cuno grupu folclóricu de Pombriegu «Aires de Cabrera». A las 13:00 h. será la Santa misa y precesión, n’honor al Santísimu, que va siguir cun un beille vermú a cargu del mesmo grupu de gaitas d’esti llugare, «Aires del Cabrera». Pula ñueite, a partir de las 21:00 h. beille de tarde y verbena cun «Trío Medianoche».

Datos d’interés

Pombriegu yía una guapa aldeya onde se pue visitar al pía de la sua igresia’l chamáu cumu l’Árbol del Amore, qu’en primavera lluz espectaculare. El puebru está arrodiáu de campus qu’antias forun llabraus cumu tierras de centenu, monte baxu, soutus de ribeira formaus pur oumeirus, salgueirus y freñus, y un singular monte de sufreirus no llugar que chaman La Remangada. Purbaxu’l puebru, cerca del barriu de Lus Chanus, desaugua’l rieu Benuza no Cabreira. Esti postreiru tuvo nas suas ouriellas una ferrería construyida no siegru XVIII pul abá Benitu Zoube del Monesteriu de San Pedro de Montes.