Ñaz Añada: revista d’estudios llioneses
Despuéis d’una espera llarga, por mor del coronavirus, yá puede consultase la versión electrónica d’Añada: revista d’estudios llioneses, una publicación académica, editada pola Asociación Cultural Faceira en colaboración cona “Cátedra de Estudios Leoneses” (CELe)
El númaru unu, que yá está disponible no repositoriu de revistas electrónicas de la Universidá de Llión (ULErevistas), recueye estudios d’antropoloxía, etnografía, sociolingüística, historia, música y toponimia relacionaos con distintos llugares de la provincia. Los artículos están firmaos por Nicolás Bartolomé, Roberto González-Quevedo, Christian Fernández Chapman, Minerva Martínez, Ricardo Chao y Fernando Álvarez-Balbuena.
Fundada y dirixida pol llionés José Ignacio Suárez García, sociu de Faceira y profesor de musicoloxía de la Universidá d’Uvieo, Añada yía un annuariu interdisciplinar que recueye, a xeitu de coyeita añal, dalgunos de los fruitos producíos polas arias d’Artes y Humanidades centraos en temas llioneses. La nueva revista, que cuenta con un Conseyu de Redacción y un Conseyu Asesor, reuníu alredor d’ella investigadores de prestixu nos sous respectivos campos de conocimientu que proceden d’universidades d’España, Francia, Austria, Portugal, México y Estaos Uníos.
Añada publica investigaciones, revisiones críticas y recensiones bibliográficas sobre cualquier aspectu históricu, xeográficu, lingüísticu ou cultural relacionáu con Llión, un términu que, por coherencia científica, ha d’entendese en sentíu latu, qu’atiende tamién –según los casos– a outros territorios relacionaos y vecinos. Amás, anque la llengua de la revista yía l’asturllionés, accéptanse tamién estudios nas –y sobre las– outras llenguas patrimoniales de Llión, esto yía, el castellanu y el gallegoportugués.
Añada está disponible online eiquí: http://revpubli.unileon.es/index.php/anada/index
