Los campaneiros y campanones chigarán a Estorga esti sábadu

La Cuesta y Pozos participan na concentración de mazcaradas d’enviernu d’Estorga esta fin de semana

Nestas actividades del próximu 21 d’abril van participar unas 500 personas van estar drentu’l marcu de colaboración de l’Agrupación Europea de Cooperación Territorial (AECT) formada pola Diputación de Llión y la ciudad pertuguesa de Bregancia.

El desfile de “Mascaretos y Antruejos” trátase d’un intercambiu cultural centráu nas mázcaras tradicionales de las fiestas d’enviernu, que va pasar polas prencipales caleyas de la zona histórica de la ciudá d’Estorga pa dar la posibilidá a los llioneses de coñocer las características comunes que tienen la provincia de Llión y esi llugar de Pertugal.

Amás de Cabreira, Estorga y Bregancia, va haber participantes del Bierzu, Alija del Infantado, Cimanes del Tejar, Llamas de la Ribera, Riañu, Riellu y Velilla de la Reina. El desfile prencipiará a las 12,00 horas dende la praza de San Julián, siguiendo pola cai Manuel Gullón, cai Villafranca, Puerta del Obispo, Leopoldo Panero, praza de la Catedral, Palacio Episcopal, cai Doctoral, cai Las Postas, Marcelo Macías, Lorenzo Segura y la praza l’Ayuntamientu, onde los grupos tendrán la sua chigada. Estos distintos grupos del entroidu lliones van dir desfilando y faciendo la sua representación. El simbolismu que traen los personaxes y las representaciones del entroidu llionés enarbolan rituales amestaos a la tierra y a la fertilidá de la muyier ou la dualidá del bien y el mal, con orixen paganu y pícaru. La gaita y los tamboriles, acompañaos pol soníu de los esquilones que mueitos de los personaxes llevan colgaos pa asustare, y al compás del soníu de los palos que llevan los Campaneiros y Campanones.

¡Préstanos pula vida que nos compartas!
Share on Facebook
Facebook
Share on Google+
Google+
Tweet about this on Twitter
Twitter
Email this to someone
email
Print this page
Print

Deja un comentario

Tu dirección de correo electrónico no será publicada. Los campos obligatorios están marcados con *