Día de fiesta n’honor a San Lucas en Ñugare

Cun oucasión de la puente festiva de la Virxen del Pilare, adelántranse las fiestas desti llugar pur San Lucas a esta fin de selmana cuna intención de que pueda venir más xente. Aspérase pur tanto qu’esti 13 d’outubre la fiesta seya un ésitu

San Lucas, al qu’en Ñugare tienen gran devoción, y del que se guarda una fermosa talla policromada, yía consideráu’l patrón de la medicina. Eillo yía pur cuenta de qu’esi yiera l’oficiu d’esti Santu al que mañana se-ye rindirá oufrienda.

La misa y procesión van celebrase a las 13:00 horas. A las 14:30 horas chegará la comida popular nas instalaciones habilitadas pa la fiesta (queremos recordar a quien quiera dir a la comida que los tickets hai qu’adquirilos no bar-restorán Sabugo de Quintaniella de Llousada).

Pula tardecina, a las 19:30 horas, l’Institutu Estudios Cabreireses ofrecerá una conferencia cuno ponente Iván Martínez Lobo sobre las mazcaradas cabreiresas y n’especial la del personaxe del Graciosu, un personaxe que tien mueita relación conu Antroidu y cunas danzas de palotéu. Hai años salía’l segundu día de la fiesta de Ñugare peru cumo na actualidá solo cuntamos cun un día festivu, namás aparez pula tarde. La sua función yía la d’acompañar a la comisión de fiestas que vai casa pur casa pidiendo l’aguinaldu, onque ora yía pa pagar la orquesta. El Graciosu entra dientro de las casas de los vecinos y d’esa maneira consíguese que suelten más perras.

El Graciosu

Más tarde, a las 21:00 horas, será’l momentu del beille que va ser pur cuenta de la formación “Trío Medianoche”, un tríu de cantantes de Mansilla de las Mulas. Yá pula madrugada, esta mesma formación volverá poner la nota musical desde la 1:00 horas hasta bien tarde. No descansu sortearáse un primer premiu d’un xamón ibéricu y un segundu d’un estupendu curdeiru. También habrá Bingo.

¡Préstanos pula vida que nos compartas!
Share on Facebook
Facebook
Share on Google+
Google+
Tweet about this on Twitter
Twitter
Email this to someone
email
Print this page
Print

Deja un comentario

Tu dirección de correo electrónico no será publicada. Los campos obligatorios están marcados con *