Archivu audiovisual del padremuñu lingüísticu na provincia de Llión
La Diputación recueye’l testimoniu de las falas tradicionales de Cabreira
Con motivu del Día de la Llengua Materna que se celebróu ayiere, l’Institutu Llionés de Cultura presentóu una iniciativa propia que consiste na realización de dalgunos audiovisuales alredor de la gran riqueza lingüística de la provincia de Llión, y qu’amuestran a falantes patrimoniales tanto de los llugares onde on s’emprean variantes propias del dominiu asturllionés na provincia, cumo l’Altu Sil, Ḷḷaciana, la Cepeda ou Cabreira, cumo a personas qu’usan las variedades dialectales del gallegu del Bierciu, nún gran arcu que va desde Os Ancares hasta As Médulas. Los vídeos yá pueden vese nas canales propias del Institutu Llionés de Cultura y de la Diputación en YouTube.
Entre los vídeos dedicaos a Cabreira atopamos los testimonios de Sagrariu y Policarpo Liébana recoyíos en Corporales, y el d’Edilberto Rodríguez en Pombriegu.
Tódolos vídeos del Archivu audiovisual del padremuñu lingüísticu na provincia de Llión:
