Presentación d’un llibru nuevu con relatos en fala cabreiresa
Xairu López presenta la sua novela nueva “La Fueya Rota y outros relatos”
L’autor, quien yá tien publicáu un manual d’aprendizaxe de llengua llionesa tituláu «Falar con Xeitu», axunta ora nesta novela ocho relatos, ficciones que se mueven prencipalmente drento los xéneros del drama y el suspense y que se presentan amostrando la pluralidá del idioma asturllionés, al traviés de diversas variedades del mirmu, cumo’l cabreirés, senabrés ou’l paḷḷuezu.
Yía una obra publicada pola Asociación Cultural Faceira en colaboración con Cultural Norte y con eilla inaugura BARDÓN, colección de narrativa llionesa, una nueva iniciativa cultural na qu’apostar pola prosa literaria en llengua llionesa.
La presentación va ser el próximu vienres, 21 de febreiru de 2020, Día Internacional de la Llengua Materna, a las 20,00 horas no Ateneo Varillas (C/ Varillas 3 – 2º D, Llión), na que, xunto al autor, van intervenir Nicolás Bartolomé Pérez, prologuista de la obra y Pedro Moreno, editor de la mirma.
