Pozos prepárase pa rindir cultu al ‘Santo Ciomo’
Esti diumingu ye la romería del Santo Ecce Homo nesti llugar de Cabreira l’Alta, el santu con fama de ser «el más milagrosu» de la contorna. Habrá dúas misas, una a las 11:00 y outra a las 13:00 onde estarán los gaiteiros y habrá un pinchín al salir de misa
La sua fama de ser «el más milagrosu» atrai a cientos de devotos na sua festividá de mayu y tamién na repetición d’agostu. Trátase del Ecce Homo de Pozos, coñocíu popularmente en toda la comarca cumo ‘Santo Ciomo’. Cumo cada prencipiu de mayu, la localidá de Pozos prepárase pa que’l primer diumingu d’esti mes seya un llugar d’alcuentru de cientos de cabreireses. La sua habitual calma tresfórmase en bulliciu, y nún dir y venir de xente convocaos pal día no que se celebra la fiesta d’esti Santu Cristu.
El santuariu ye la mirma igresia parroquial; un edificiu qu’evolucionóu y que cunta con restos de distintos tiempos pero nos que los sous oríxenes románicos son patentes na portada y nas columnas separadoras de las 3 naves interiores. Dende’l templu parroquial, a las 13:00 del mediudía, sal la procesión, namás cona virxen, puesto que la imaxen del Ecce Homo sedente, nun puede movese.
Ensin embargu, la imaxen del Cristu ye’l centru de la romería. Pasar al camarín pa besar al Santu Cristu ye unu de los rituales más repitíos de la xornada. La fama de milagrosu fa que mueitos fieles cheguen a abrancar la imaxen del Cristu ou tocar una parte de la escultura, la mirma que’l devotu deseya sanar del sou cuerpu. El ritual manda que conas mirmas se debe pasar sobre los sous hombros una prienda d’usu cotidianu cumo un pañuelu, el reló, medayas… dalgu qu’adquiera los poderes sanadores que de la imaxen brotan y qu’acompañe no día a día al devotu. Tamién hai fieles que piden por familiares ou amigos y oufiertan al santu’l pesu del enfermu en cera ou outras oufriendas de las que poucu se saben por quedar na privacidá entre’l devotu y Cristu.
Na cita dominical de Pozos ye habitual la música, na mayoría de las oucasiones de gaiteiros de los llugares cercanos, música que contrasta cono silenciu de los fervorosos creyentes que tienen a la figura barroca del Ecce Homo cumo polu d’atracción, ou lu que ye lu mirmo, Jesús tras la flaxelación. Se impresiona la figura barroca y el templu de Pozos en plenu fervor relixosu, on ye más l’imponente llugar onde s’asienta esti bellu puebru cabreirés. Casi dende cualquier puntu de la localidá son on apreciables los colosales trabayos mineiros romanos feitos pa estrayer ouru a partir de filones cuarcíticos de la zona, deixando la sua güella en pozos, trincheiras y minas que, con casi total seguridá, dieron nome a esta atrayente población.
