Cultura y deporte

La Baña celebra’l Corpus

Esti llugar va festexar esti xueves y vienres una de las suas fiestas más tradicionales, el ‘Corpus Christi’

Onque tien trazas d’amenaciar cun dalgu de chuvia, las frores de las escobas y las ñotas de lus instrumentus de las orquestas, van ser lus elementus que van puñer la ñota de color a estas dúas xornadas ñas que se van desenvolver lus actus.

Pulla mañana’l xueves 31 d’esti mes será la Santa Misa, precesión y pasacais al cargu d’una charanga pa dar pasu despuéis al beille de la tardiquina cuña orquesta GARIBALDI. Esta mirma orquesta va rematar el día cun una gran verbena, y amás, actuará l’espectáculu d’acróbatas madrilañus ACROLVA.

Yá’l vienres día 1 de xuniu, va ser el turnu de la orquesta LA OCA BAND, que del mirmu xeitu que la del día d’antias, va facer un pase vespertinu pa ramatar cun outra gran verbena pulla ñueite.

Qué ver na Baña

Lus visitantes a estas fiestas van poder desfrutar del Llagu de La Baña situáu onde conflúyen la Sierra de Mina y la Sierra de Cabreira. El sou orixen y configuración xeomorfolóxica respuenden al más clásicu de lus modelus de la erosión glaciar. Cun una superficie aprosimada de 0,075 kilómetros cuadraus, el llagu aparez arrodiáu d’un perfectu circu glaciar, que de la mirma queda rematáu pullus altus cumbres (sobrepasan lus 2.000 metrus d’altura) de Peñataravinca y Peña Surbia.

Desde’l puntu de vista xeolóxicu destaca la bien conservada y enorme morrena glacial, compuesta pur llábanus de pizarra, que sirve pa zarrar esti llagu ñu que tien las suas fuentes unu de lus más importantes afluentes del Sil: el riou Cabreira. Chégase a la ouriella del Llagu de La Baña caminando desde’l propiu llugar de La Baña. El visitante tamién va poder acunchegase a cualesquier de lus puebrus de Cabreira Baxa p’almirar l’arquitectura tradicional de la zona, sobre todu las suas balconadas zarradas, las suas chumineyas, y lus sous palombares.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.