Cultura y deporte

Gran acoyida televisiva del documental «Llionés, paisajes que falan»

Los espectadores de Televisión Castilla y León desfrutoron ayier d’esta producción audiovisual feita por RICI Comunicación y Promoción. Un documental, con redifusión el 30 de diciembre y el 6 de xaneiru, que tien cumo obxectivu la difusión de la llengua asturllionesa cumo padremoñu lingüísticu y cultural

“Llionés, paisajes que falan” afonda na toponimia, tanto de las zonas onde la llengua está viva cumo nas que se perdiéu, pero on mantien l’asturllionés nos sous nomes de montes ou praos.

Combinando la parte más académica y lingüística con momentos más íntimos y divertios, déixase constancia al traviés del relatu audiovisual, que la llengua que se mantien -con meyor ou pior suerte- desde’l Cantábricu hasta’l sur de las tierras llionesas, forma parte del mirmu tueru lingüísticu.

Intervienen personas de diversos ámbitos rellacionadas con esta llengua cono obxectivu de llograr puntos de vista heteroxéneos que-yi otorgan al documental obxectividá y veracidá. Académicos, lingüistas, escritores, artistas que cantan en llionés y falantes del mirmu dominiu lingüísticu -no que tamién s’incluye’l mirandés- exponen distintos aspectos d’esta llengua.

Cada entrevistáu apurre la sua visión, el sou coñocimientu ou experiencia, llogrando un material audiovisual argumentalmente bien completu y dinámicu. D’esti xeitu, RICI Comunicación y Promoción, amuestra esta llengua romance cumo un valor patrimonial, cultural, lingüísticu y etnográficu, que paga la pena divulgar y potenciare.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.