Gran romería de Santa Elena
N’aquesta última fin de semana d’abril, y primeira de mayu, va celebrase en Llomba la romería de Santa Elena, llugar al que los cabreireses tienen gran devoción
Yía una de las romerías con más tradición por esta zona de Cabreira, y de las que mayor númaru de personas concentra n’armita de Santa Elena, a poucos kilómetros de Llomba. Antias celebrábase’l 3 de mayu pero ora fazse coincidir cono primer diumingu del mes de mayu. L’armita foi llevantada no añu 1849 gracias al rector D. Manuel Elías López, ñatural de Llomba.
Atópase construyída entre rocas y tien una piqueiña torre d’espadaña con corredore. No arcu de la sua portada está grabada la siguiente inscripción: “Vivan los devotos de este Santuario”. Esta fermosa armita cabreiresa sufriéu una terrible queima no añu 2013 que la deixóu prácticamente en ruinas pero, gracias a l’ayuda de l’acción popular qu’axuntóu a cientos de donantes, consiguiéuse arregrar dafeitu un añu despuéis.
Programa de fiestas
Sábadu 30 d’abril
- 19:00 h. Actuación del «Duo de la Recanteira», del programa de TVG «Luar» Begoña Mazaira.
- 00:30 h. Verbena con Boa Festa Discomovida.
Diumingu 1 de mayu
- 12:00 h. Primeira misa.
- 13:00 h. Procesión y misa mayor na capiella. beille-vermú cuna Charanga Fernandín. Despuéis servicio de bar y pulpeiros.
